- Zeyad Eldeeb
- 1:36 AM
- الربح من الانترنت ، برامج
كيفية تغيير الاى بى
السلام عليكم ورحمة الله وبركاته
النهاردة هشرحلكم ازاى تغيروا الاى بى لاى دولة فى العالم وإن شاء الله الموضوع هيكون فى 3 نقاط :
1- برامج تغيير الاى بى
وده تعتبر من اسهل طرق تغيير الاى بى .. كل اللى بتعملوا انك بتنزل البرنامج وتدوس connect او change ip او تختار الاول الدولة او تختار اى بى من اللى معروضين امامك من البرنامج كل على حسب البرنامج اللى بتتعامل معاه
امثلة :
1- برنامج hot spot shield : برنامج اكثر من رائع لتغيير الاى بى لكن لا انصح به فى شحن الاعلانات تماما لانه ممسوك من كل شركات الشحن .
2- برنامج التنين الاخضر : برنامج رائع ايضا ولكنه بطىء شوية وممسوك من بعض الشركات وليست كلها .
3- برنامج Auto hide ip : برنامج رائع لكنه بطىء أيضا وفى الفترة الاخيرة كان بيشغل شركة super rewards لكن اتمسك بعد كدا .
طبعا ده مجرد امثلة وفيه برامج تانية كتيرة ولو حد عنده استفسار عن اى برنامج انا فى الخدمة إن شاء الله .
2- اتصال الvpn
الاسم ممكن يكون غريب شوية على بعض الناس لكن ده طريقة من ضمن طرق تغيير الاى بى .. مميزاتها انها تعتبرك كأنك مواطن امريكى بالظبط او ايا كانت الدولة اللى هتغير ليها الاى بى لانها بتعملك connection جديدة خالص غير الاصلى بتاعك .
الشرح :
هناخد موقع زى http://www.vpnonline.org/ كمثال لان خدمة اتصال الvpn بتقدمها مواقع اتصال vpn بس .. ودلوقتى نبدأ الشرح .. اول ما تخش على الموقع هتلاقى حاجة قدامك اسمها us VPN server IP وده السيرفر اللى انت عاوز تعمله connect من عندك وطبعا مكتوب ( us ) وده خاص بامريكا وهتلاقوا واحد تانى مكتوب عنده ( uk ) وده خاص ببريطانيا .. ودلوقتى تابعوا الصور
ثم connect to work place
ثم Next .. ثم Use my internet connection
اضغط على set up a new connection or network
هنا هندخل عنوان السيرفر اللى قدام كلمة us VPN server IP فى الموقع اللى ادتهولكم
ثم Next .. هنلاقى فى الموقع User name & password
هندخلهم هنا وبعدين ندوس connect ومبروك عليك الاى بى اتغير تماما
دلوقتى لو عاوزين نلغى اتصال الvpn ده نعمل ايه .. تابع الصورة
وبعدين ندوس Disconnect وخلاص على كدا
طيب وقت ما نعوز نشغله تانى هنعمل الموضوع ده تانى ؟! لا طبعا الserver اتسجل خلاص على جهاز .. تابع الصور لو عاوز تفتح الvpn تانى
وبعد كدا هتلاقى VPN connection .. دوس عليها وهيعمل اتصال الvpn لوحده
كدا يبقى شرحنا ازاى تعمل اتصال vpn وازاى تلغيه وازاى ترجعه تانى وقت ما تحب .. وطبعا لو عاوز تمسحه خالص من الجهاز مفيهاش مشكلة خالص .. هتخش على VPN connection وتدوس كليك يمين وبعدين Delete وبس كدا
الامثلة :
1- http://www.vpnonline.org/
2- http://proxpn.com/
3- http://www.unblock-us.com/
3- تغيير الاى بى من المتصفحات
الطريقة ده ممتازة جدا جدا جدا لانها بتتيح ليك ايبهات كتيرة اوى ممكن تستخدمها + كمان ان هتلاقى جميع الدول ليها ايبهات عكس الvpn اللى بيدعم بريطانيا وامريكا اكتر دولتين ودولة زى الصين او اليابان او الدول ده مش هتلاقى ليها vpn او صعب تلاقي .. المهم تابعوا الشرح
اولا : تغير الاى بى لمتصفح Fire Fox
1- افتح المتصفح وخش على options
2- خش على Advanced ثم اختار Network من فوق ثم settings
3- علم على Manual proxy configuration
4- خش على google وهات ايبهات لدول كتيرة اكتب مثلا IP Proxy list اى حاجة زى كدا
5- هتلاقى الاى بى منقسم لحاجتين .. الاى بى ذات نفسه + البورت وبيبقى فى الشكل ده 123456789 : 1234 مثلا
6- ارجع تانى للfire fox لاخر خطوة وقفنا عندها .. عند Http proxy انسخ رقم الاى بى اللى هو كان فى المثال السابق ( 123456789 ) وعند الPort انسخ الارقام اللى فى المثال السابق بعد علامة ( : ) اللى هى ( 1234 ) وهكذا
7- انسخ الاى بى والبورت فى باقى المستطيلات اللى تحت بعض او اختصر الموضوع وعلم صح على use this proxy server for all protocols
8- اضغط Ok ومبروك عليك تغير الاى بى
ثانيا : تغيير الاى بى للمتصفحين Internet Explorer & Google Chrome
الفكرة كلها انى خليت المتصفحين دول مع بعض لان بمجرد ما تغير الاى بى هنا هيتغير فى المتصفح التانى تلقائى عشان كدا هشرح طريقة التغيير بالنسبة لمتصفح واحد بس .
Google Chrome :
1- ادخل على Settings ثم Show advanced settings
2- انزل شوية لحد ما تلاقى كلمة Change proxy settings دوس عليها
3- اضغط على Lan settings
4- علم صح على Use a proxy server for your Lan
5- اكتب الاى بى بنفس الطريقة السابقة
6- اضغط Ok ومبروك عليك
المميزات : زى ما قولت فوق انك تقدر تغير الاى بى لاى دولة وبما ان الهكرز كل يوم بيطلعوا اى بى فده تعتبر من انجح الطرق للشحن من الاعلانات لانها بتكون لسه متمسكتش وللعلم الطريقة ده استحالة تتمسك لان زى ما قولت كل يوم بل كل ثانية بيطلع اى بى جديد فالشركات هتمسك ايه ولا ايه بس كل اللى اقدر اقولهولكم معظم الايبهات القديمة ممسوكة ومش كلها كمان .
العيوب : عيبها الوحيد انها بتبطء النت فى المتصفح اللى انت شغال فيه .. يعنى اذا غيرت الاى بى فى متصفح Fire fox تشتغل بGoogle Chrome عادى خالص بالنت بتاعك لكن Fire fox بيبقى بطىء والعكس صحيح
الامثلة : الطريقة ده بقى امثلتها لا تعد ولا تحصى لكن كل اللى اقدر اساعدكم بيه اديلكم اسماء مواقع بتجيب ايبهات :
1-http://hidemyass.com/proxy-list/
2- http://www.proxylisty.com/ip-proxylist
3- http://www.freeproxylists.net/
وطبعا باينه كمية الايبهات اللى موجودة .. على فكرة سرعة الاى بى بتتحدد بنسبة كبيرة من الport عشان كدا بنصحكم باختيار الايبهات اللى الport بتاعها رقمه 3128
وبكدا نكون خلصنا الموضوع وشرحنا الطرق الثلاثة لتغيير الاى بى واى مشكلة انا حاضر إن شاء الله .
واخيرا احب ابشر حضراتكم ان إن شاء الله هيتم وضع طرق للشحن من الاعلانات واقصد الطرق النهائية مش كل واحد طالع بكلمة للشحن وعشان كدا حابب اشوف الردود من حضراتكم على الموضوع بالشركة اللى عاوزينا نحط طريقة الشحن منها ماعدا شركة Sometrics لانها قافشة كل البرامج وكل الVpn وطبعا مجربتش كل الايبهات .. فياريت تقترحوا الشركة واكتر شركة هتاخد اصوات هنحط الطريقة بتاعتها إن شاء الله .. بس ياريت يكون اكتر شركة تاخد على الاقل 10 اصوات
والسلام عليكم ورحمة الله وبركاته
عن الكاتب :
